«Қыздар арасында»

қыз балалармен жүргізілген психологиялық тренингтің қорытындысы

  Мақсаты:Қыз балалардың бойындағы жағымды қасиеттерін шыңдау, әрсынып қыздарының арасында достық қасиет қалыптастыру.

Сынып: 7-11

Жұмыс барысы:

1.   «Танысу тренингі»Оқушылар бір-бірімен жақын танысу үшін шеңбер бойымен тұрғызып, өз атын және өз аты қай әріптен басталса, сол әріптен басталатын сын есім қосып айтқызу. Ең соңынан қалауы бойынша 1-2 балаға бәрінің атын сын есімімен қосып қайталату.

2.    7-11 сынып қыздарына мектебіміздің медбикесі Жұбаева Таңсұлу Қоқышевна қыз бала бойындағы

өзгерістерді қыздарға ескертіп, сол жөнінде пікірталас болды.

3.    «Күн шуағы» жаттығуы. Қыз балалардың бойында қандай қасиеттер болу керек?- деп сұрай келе,

өз бойындағы қандай жағымды қасиет бар, соны білу және күн шуағына жазу.

4.    «Достық торы» жаттығуы. Қыз балалар арасында достық қалыпты, достық қарым-қатынасты қалыптастыру мақсатында өз бойларындағы ерекше қасиеттерін айтты. Бір-бірлерін дұрыс түсіну үшін

қандай қасиеттерін бойымыздан табылу керек (келісім, сыйластық т.б.) Көптеген қасиетті айта отырып, жіпті бір-біріне лақтырып отырды. Соңында тор шықты, торды «достық торы» деп атап, достығымыз нығая берсін деп қорытындыланды.

5.   «Тілек айту» Қыз балалар бір-біріне жақсы тілек айтып, тренингтік жаттығу қорытындыланды.

   Қорытынды: Қыз балалар бір-бірімен жақын танысып, бір-бірлерінің жақсы қасиеттерін білді. Жаттығу басында тұйықталып тұрған қыздар ашылып, жаттығу соңына қарай белсенділік танытты. Бұл балалар алдағы уақыттта осындай жаттығулар болып тұрса деген тілектерін айтты. Барлығы қызыға қатысты.