Информатика пәні

 6 сынып

Сабақтың тақырыбы: Модель және модельдеу 
Сабақтың мақсаты: Модель және модельдеу тақырыбын түсіндіру.
Білімділік: Оқушыларға модель ұғымы, модельдеу және модельдеудің кезеңдері жайлы ақпарат беру.
Тәрбиелік: Оқушыларды нақты шешім қабылдай білуге, топпен жұмыс жасауға, өз ойын еркін жеткізе білуге тәрбиелеу.
Дамытушылық: Оқушыларды модель құруға дағдыландыру, пәнге қызығушылығын арттыру.
Сабақтың типі: жаңа сабақ
Сабақтың түрі: аралас сабақ (Диктант жазғызу, топпен жұмыс)
Сабақтың әдісі: интерактивті тақта көмегімен түсіндіру
Сабақта қолданылатын көрнекі құралдар: Компьютер, оқулық, интерактивті тақта, карточкалар, обруч.
Сабақтың барысы:
І. Ұйымдастыру кезеңі: Тренинг обручпен.
II. Үй тапсырмасын тексеру: «Ақпараттық диктант арқылы үй тапсырмасы тексеріледі. Оқушыларға бос орындарға қажетті сөздерді тауып жазу үшін төмендегідей арнайы кеспе қағаздар беріледі. Оқушылар жазып болған соң

интерактивті тақтадағы дұрыс жауаптар көмегімен өздерінің диктанттарын тексеруге мүмкіндік алады.

1.     Алгоритмнің бірнеше рет қайталануын ____________ деп атаймыз.

2.     Берілген есепті шешудегі жасалатын әрекеттердің дәл және қарапайым етіп жазылуын ______________ дейміз.

3.     Алгоритмді жүзеге асырушыны ___________ деп атайды.

4.     Кез келген алгоритм  «______»  деген бұйрықпен басталып,  «______»  деген бұйрықпен аяқталады.

5.     Алгоритмдер мынадай формалармен ұсынылады:__________________________________________

6.     Алгоритмнің 3 түрі бар: ________________________________

7.      _____________ барлық бұйрықтар алгоритмде көрсетілгендей тізбектей орындалады.

8.     Егер алгоритм қадамдарының тізбектеле орындалуы қандай да бір шартқа тәуелді өзгеретін болса, онда мұндай алгоритмді ______________  дейміз.

III. Жаңа сабақты түсіндіру

Модель – бұл глобус және әлем картасы, жердің тартылыс күшінің формуласы, көрме стендіндегі зымыранның

макеті, мектептегі биология кабинетіндегі көрнекі құралдар, әйгілі суреттердің көшірмесі. Нақты нысандарды (түпнұсқа) зерттеу мақсатында адамның қолымен жасалған нысанды – модель деп атаймыз.
Модель – нақты нысанды, құбылысты немесе үдерісті қарапайым етіп түсіндіреді.
Модельдеу – нысандарды, үдерістерді және құбылыстарды зерттеу үшін модель құру. «Модель құру, модельдеу не үшін қажет?» деген сұрақ туындауы мүмкін. Біріншіден, нақты уақыт барысында түпнұсқа болмауы мүмкін немесе мүлдем табиғатта жоқ болуы мүмкін. Екіншіден, түпнұсқа көптеген қасиетке және өзара байланыстарға ие болуы мүмкін, ал бізді тек жеке бөлігі ғана қызықтыруы мүмкін. Модельдеу кезінде алдымен нысанның немесе қандай да бір үдерістің қасиеттерін біліп қана қоймай, сонымен қатар модельдеу кезеңдерін жоспарлау да қажет.
Модельдеудің кезеңдері: есептің қойылымы, модельді құру, компьютерлік модель, модельдеу нәтижесін талдау.

Модельдеу нәтижесін талдау барысында алынған нәтиженің мақсатқа сәйкес келетіндігін немесе мақсатқа сәйкес келмейтіндігі талданады. Анықталған қате – бұл да нәтиже болып есептелінеді.
Зерттеу мақсаты ретінде мыналарды айтуға болады:

* Қоршаған ортаны танып - білу;

* Берілген қасиет бойынша нысанды құру;

* Әсердің нысанға тигізер салдары;

* Құбылыстарды, үдерістерді және нысандарды тиімді басқару.

GoogleSketchUp программасымен таныстыру.

ІҮ. Бекіту: Жаңа сабаққа байланысты оқушыларға GoogleSketchUp программасында компьютерде  үйдің  моделін орындауды ұсыну. Жаңа тақырыпты бекіту мақсатында оқушыларға сұрақтар беру

1. Модель дегеніміз не?

2. Анықталған нәтиже қате бола алады ма?

3. Модельдеу дегеніміз не?

4. Құбылыстан, үдерістен және нақты нысаннан модельдің айырмашылығы неде?

5. Модельдеудегі түпнұсқаның маңызы.

6. Модельдеудегі негізгі кезеңдерді атаңдар.
VІ. Бағалау
ҮІІ. Үйге тапсырма:Модель және модельдеу тақырыбын оқып келу.