№26 орта мектебіндегі 

игілікті шара

Н.Ә.Назарбаев: «Халықтың денсаулығы – ел дамуының аса маңызды тұтқасы,болашағымыздың кепілі» демекші Ақмола облысының осынау кішкене  Мәншүк Маметова атындағы ауылда Алматы қаласында өтіп жатқан 28- ші қысқы универсиада ойындар қарсанында № 26 орта мектебінде ұстаздар командасы арасында  баскетбол,волейбол ойындарынан жолдастық кездесулер болып өтті. Спорт десе ішер асын жерге қоятын қазақпыз ғой. Осы кездесуге Жалғызқұдық ауылындағы №24 орта мектебінің ұстаздары мен Шалқар ауылындағы № 29 орта мектебінің ұстаздары өз біліктілігін ортаға салып өте жақсы деңгейде ойын көрсетті.

Осы  жолдастық кездесулерде Баскетбол ойынынан  1-орынды  Жалғызқұдық орта мектебінің ұстаздары жеңіп

алса, 2-орын Мәншүк орта мектебі, 3- орын Шалқар орта мектебі иеленді.

Волейбол ойыны қызыққа толы  ойын болып өтті, осы ойында 1- орынды   Мәншүк орта мектебі жеңіп алды. 2- орынды Шалқар орта мектебінің ұстаздары иеленсе, 3– орынды Жалғызқұдық орта мектебінің ұстаздары еншіледі.

Мектебімізге келген ұстаздарға жарыс соңында  мектеп директоры Исаев Ғани Қуантай ұлы құттықтау сөз сөйлеп, 1 –ші орын алған командаларды кубоктармен және мақтау қағаздарымен марапаттады. Марапаттау барысында 2 номинация бойынша мақтау қағазы қоса тапсырылды.

«Өнерлі  Баскетболшы» номинациясы бойынша № 24 орта мектебінің дене шынықтыру пәнінің мұғалімі 

Зампай Өнербек марапатталды. «Шебер Волейболшы» номинациясында № 26 орта мектебінің дене шынықтыру пәнінің мұғалімі Кинеев Архат Арғынұлы марапатталды.

«Спорт – денсаулық кепілі» деген мақсатпен осындай игі спорттық іс – шаралар жалғасын таба береді деген

сенімдеміз.

                                           Дене шынықтыру пәнінің мұғалімі: Қожамжар Д.Ж   

Мәншүк ауылы