"Отанды қорғауға дайындаймыз" кәсіби шеберлік конкурс Мәншүк ауылы ЖОББМ 29.04.2024 ж

«Ақмола облысы Целиноград ауданы Мәншүк ауылының жалпы орта білім беретін мектебі» КММ  2024 жылдың сәуір айының 29-ы күні  Қосшы қаласы, Қорғалжын және Целиноград аудандарының Алғашқы әскери және технологиялық дайындық пәнінің оқытушы-ұйымдастырушыларының қатысуымен  <Отанды қорғауға дайындаймыз> атты тақырыпта  ауданаралық семинар өтті.

Семинарға  келген қонақтарды қарсы алып, мектеп Акт залында семинардың ашылуы өткізіліп, келген қонақтарға семинардың бағдарламасы  таныстырылды.   Семинардың ашылу салтанатында мектеп директорының м.а.  Д.К.Утебаев және аудандық білім бөлімінің әдіскері Е.С. Корганбеков жарысқа қатысушыларға сәттілік тіледі.

Семинар барысында  АӘТД  пән мұғалімдері  жеке кабинеттерде осы уақытқа дейінгі жұмыстары бойынша таныстырылым жасап,  есеп берді.  Теориялық бөлімдер бойынша тест тапсырмаларын орындап, мектебіміздің спорт залында және мектептің ауласындағы алаңда практикалық тапсырмалармен жұмыс жасады.  АӘТД пән мұғалімдері кәсіби-педагогикалық шеберлік, құзіреттіліктерін көрсете отырып, практикалық дағдыларды тиімді пайдалана білді. Семинар соңында Акт залында жеңіске жеткен ұстаздар марапатталды.